मुलभूत कर्तव्य टाळणाऱ्यांवर लोकभज्ञाक चळवळ मुलभूत अधिकार भंगाचा ठपका ठेवणार

- Advertisement -
- Advertisement -
- Advertisement -
- Advertisement -

मुलभूत कर्तव्य टाळणाऱ्यांवर लोकभज्ञाक चळवळ मुलभूत अधिकार भंगाचा ठपका ठेवणार

संविधानाच्या कलमान्वये राज्यघटना – पाल आणि निसर्ग-पाल घोषित असल्याचे स्पष्टीकरण

अहमदनगर (प्रतिनिधी)- भारतीय संविधानाचे कलम 51 अ अन्वये प्रत्येक भारतीयांसाठी राज्यघटना-पाल आणि निसर्ग-पाल घोषित आहे. त्यामुळे भारतीय संविधानाने जाहीर केलेले मुलभूत कर्तव्य टाळणाऱ्या व्यक्तीवर किंवा लोकसेवकांवर लोकभज्ञाक चळवळ मुलभूत अधिकार भंगाचा ठपका ठेवल्याशिवाय राहणार नसल्याची माहिती ॲड. कारभारी गवळी यांनी दिली.

भारतीय संविधानातील तरतुदीनुसार प्रत्येक नागरीकाने कायद्याचे पालन केलेच पाहीजे. त्याशिवाय संविधानाचे कलम 51 अ खाली मुलभूत कर्तव्ये घोषीत आहेत. ही मुलभूत कर्तव्ये करण्यासाठी प्रत्येक भारतीय नागरीकाला राज्यघटना-पाल म्हणून मान्यता आहे. त्याचबरोबर निसर्गाचे संवर्धन करण्याची जबाबदारी प्रत्येक भारतीयांवर ठेवण्यात आलेली आहे. ग्लोबल वार्मिंगमुळे संपूर्ण सजीव सृष्टी धोक्यात आली आहे. प्रत्येक भारतीयाने मोठ्या प्रमाणात आपल्या परिसरात वृक्ष लागवड करुन जोपासणा करण्याची गरज आहे. त्याशिवाय पर्यावरणाचा प्रश्‍न सुटणार नसल्याचे स्पष्ट करण्यात आले आहे.

निसर्गाची भक्ती, ग्लोबल वार्मिंग होण्याचे कारण व त्यामागील विज्ञान आणि प्रत्यक्ष पर्यावरणाचे प्रश्‍न सोडविण्यासाठीचे कार्य यातून निसर्गभज्ञाक चळवळ व्यापक होत आहे. सर्व भारतीयांनी मोठया प्रमाणात वृक्ष लागवड करुन जोपासणा केली तर भारत हा ग्लोबल वार्मिंगचा प्रश्‍न संपविण्याच्या कामी सर्व देशांचा नेता ठरणार आहे. याच कारणासाठी भारतीय संविधानाने प्रत्येक नागरीकाला निसर्ग-पाल ठरविले आहे. वृक्ष लागवड टाळणाऱ्या तसेच पर्यावरणाचा ऱ्हास घडवून आणणाऱ्या लोकांविरुध्द तसेच लोकसेवकांविरुध्द लोकभज्ञाक चळवळ मुलभूत कर्तव्यभंगाचा जाहीर रितीने ठपका ठेवील, अशा इशारा संघटनेच्या वतीने देण्यात आला आहे.

भारतीय राष्ट्र ध्वज, तिरंग्याच्या ठिकाणी असणारा केसरी रंग हा लोकभक्ती दर्शवितो, पांढरा रंग ज्ञानभक्ती दर्शवितो तर हिरवा रंग कर्तव्यभक्ती स्पष्ट करतो. पांढऱ्या रंगामध्ये असणारे अशोकचक्र हे कायद्याचे राज्य आणि मध्यम मार्ग स्पष्ट करते. या तिरंग्याचा प्रत्येक भारतीयाला रास्त अभिमान आहे. त्यामुळे प्रत्येक भारतीयाने राज्यघटना-पाल आणि निसर्ग-पाल म्हणुन त्यांच्यावर ठेवलेल्या मुलभूत कर्तव्याची अंमलबजावणी करण्याची आग्रही भूमिका लोकभज्ञाक चळवळीने मांडली आहे. या चळवळीसाठी ॲड. कारभारी गवळी, अशोक सब्बन, ओम कदम, प्रकाश थोरात, जालिंदर बोरुडे, शाहीर कान्हू सुंबे, विठ्ठल सुरम आदी प्रयत्नशील आहेत.

- Advertisement -

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,822FollowersFollow
0SubscribersSubscribe
- Advertisement -
- Advertisement -

Latest Articles

error: Content is protected !!