थकीत मालमत्ताधारकांनी लोक अदालत मध्ये सहभाग घेऊन शस्ती माफीचा लाभ घ्यावा – नगर मनपा स्थायी समितीचे सभापती अविनाश घुले

अहमदनगर प्रतिनिधी – लहू दळवी

अहमदनगर महानगरपालिका हद्दीतील थकीत मालमत्ताधारकांना आव्हान करण्यात आले आहे की, अहमदनगर महानगरपालिका व जिल्हा न्यायालय विधी सेवा प्राधिकरण यांच्या संयुक्त विद्यमानाने सन 2020-2021 अखेर थकबाकीची व शास्तीपोटी ज्याची रक्कम वीस हजार पेक्षा जास्त थकीत आहे अशा मालमत्ता धारकांना नोटिसा पाठविण्यात आल्या आहेत.

तरी मालमत्ता कराच्या थकबाकी वर आकारण्यात आलेल्या शास्तीरकमेवर तडजोड करण्यासाठी दिनांक 25 सप्टेंबर रोजी राष्ट्रीय लोक अदालत आयोजित करण्यात आले आहे.तरी जिल्हा न्यायालय अहमदनगर येथे थकित मालमत्ताधारकांनी सकळी 9.30 ते दुपारी 4 वाजेपर्यंत उपस्थित राहून 75 टक्के शास्ती माफीचा फायदा घेऊन महापालिकेला सहकार्य करावे असे आव्हान स्थायी समितीचे सभापती अविनाश घुले यांनी केले.