केडगावमधील सुपर स्पेशालिटी हॉस्पिटल रूग्णांसाठी वरदान ठरेल : आ.संग्राम जगताप
अहमदनगर प्रतिनिधी : नगरची चारही बाजूंनी उपनगरे वाढत आहेत. केडगाव उपनगर तर सर्वात मोठे उपनगर आहेत. सव्वा ते दीड लाखांची लोकवस्ती या भागात आहे. त्यामुळे या भागात अद्ययावत सुपर स्पेशालिटी रूग्णालय उभे राहणे महत्त्वाचे आहे. याचा लाभ केडगावच्या पंचक्रोशीतील ग्रामीण भागातील रूग्णांनाही होणार आहे. लोकवस्ती वाढताना अन्य पायाभूत सुविधांइतकीच आरोग्याची, चांगल्या हॉस्पिटलची सुविधाही महत्त्वाची आहे, असे प्रतिपादन आ.संग्राम जगताप यांनी केले.
केडगाव मध्ये साई स्पर्श सुपरस्पेशालिटी हॉस्पिटल आय.सी.यु्. ट्रॉमा सेंटरचा भव्य शुभारंभ आमदार संग्राम जगताप यांच्या हस्ते करण्यात आला. याप्रसंगी नगरसेवक मनोज कोतकर,नगरसेवक अमोल येवले, नगरसेवक संग्राम कोतकर,जालिंदर कोतकर, हॉस्पिटलचे संचालक डॉ.अमोल जाडकर,डॉ. पियुष मराठे, डॉ. रोहन धोत्रे, डॉ. शिल्पा पाठक, डॉ. संतोष राहिंज, डॉ. राकेश थोरात आदी उपस्थित होते.आ.निलेश लंके यांनीही हॉस्पिटलच्या शुभारंभास हजेरी लावून डॉक्टरांना शुभेच्छा दिल्या.
डॉ.पियुष मराठे यांनी प्रास्ताविकात सांगितले की, केडगाव मध्ये प्रथमच ४० बेडसचे अद्ययावत सुपर स्पेशालिटी हॉस्पिटल सुरु केले आहे.अनेकवेळा अत्यवस्थ रूग्णाला केडगावमधून नगर शहरात नेताना खूप वेळ जातो. तो वेळ या हॉस्पिटलमध्ये वाचणार आहे. याठिकाणी अस्थिरोग, स्त्रीरोग तसेच अन्य आजारांवर चांगले व परिणामकारक उपचार सुविधा देण्याचा प्रयत्न आहे.